Արմավիրի մարզի Մյասնիկյան համայնքի անշարժ գույքի եկամտատեսակների համար բացված հաշիվներն են.

Անշարժ  գույք ֆիզիկական  անձանց - 900475002136

Անշարժ գույք իրավբանական անձանց - 900475001989

Այսօր Մյասնիկյան համայնքը հրաժեշտ տվեց հերոս հայորդի՝ Հակոբ Վոլոդիայի Հարությունյանին:Հուղարկավորությանը ներկա էր Արցախի նախագահ՝ Արայիկ Հարությունյանը,Արմավիրի մարզպետ՝ Համբարձում Մաթևոսյանը և շատ ու շատ հյուրեր ,որոնք եկել էին վերջին հրաժեշտը տալու մեր հերոսին:Նա կռվեց Եղնիկներում,Շուշիի Քարին տակ հատվածում և զոհվեց հանուն հայրենիքի և Արցախի ուրբ հողի: Քաջության ,արիության և անձնական նվիրումի համար Արցախի Հանրապետության նախագահի հրամանագրով կամավորական Հակոբ Հարությունյանը հետմահու պարգևատրվեց <<Ոսկե Արծիվ>>շքանշանով:
Ննջիր խաղաղությամբ մերօրյա հերոս...

Սիրելի մյասնիկյանցիներ, շնորհավորում ենք Ձեր Ամանորն ու  Սուրբ ծնունդը:
Գալիք տարում թո՜ղ իրականանան բոլորի բարի ցանկությունները, հույսերն ու սպասումները:Թո՜ղ խաղաղությունը անխախտ լինի Հայոց աշխարում և բոլոր փորձությունները,հիվանդություններն ու ողբերգությունները մնան անցյալում:
Ցանկանում ենք բոլորին առողջություն, հույս ու հավատ,լավատեսություն,մեր զինվորներին խաղաղ ,անփորձանք ու ապահով ծառայություն.
Թո՜ղ  2021թվականը բոլորի դեմքին ժպիտ պարգևի...

Մյասնիկյան համայնքը շատ տխուր է,մյասնիկյանցու ցավն ու կսկիծը խառնվել են իրար:Այսօր դեպի անմահություն են ճանապարհում մեր հավերժի հերոս՝ Գոգա Սամվելի Սիմոնյանին: Նա կռվեց մինչև զինադադարի վերջին րոպեն,նայեց մահվան անողոք դեմքին և հաղթեց թշնամուն՝ տալով իր կյանքը:Գոգան միացավ նահատակ հերոսներին՝ թողնելով իր կիսատ և լուսավոր երազանքները:Մենք բոլորս մի մեծ պարտք ունենք՝ արժանի լինենք մեր ընկած քաջերի հիշատակին:
Մյասնիկյանի համայնքապետարանը իր ցավակցությունն է հայտնում Սիմոնյանների ընտանիքին՝ մաղթելով համբերություն և տոկոնություն:
Փա՜ռք ու խոնարհում քեզ մեր նորօրյա հերոս,պատմություն կերտող հերոս:
Լույս էիր,լույսի կտոր էիր , լույսի մեջ էլ գտնես քո արքայությունը...

Արմավիրի մարզի Մյասնիկյան համայնքում շահագործման հանձնվեց համայնքի գլխավոր ճանապարհի՝ Մյասնիկյան փողոցի ասֆալտապատման շինարարական աշխատանքները:
Ծրագիրը շարունակական բնույթ է կրելու, քանի որ մեր նպատակն է համայնքում ունենալ ամբողջովին անվտանգ ,բարեկարգ և գեղեցիկ փողոցներ:Մյասնիկյանի համայնքապետարանը կներկայացվի ճանապարհաշինության սուբվենցիոն ծրագրի հայտ, որի շրջանակներում 2021թվականին համայնքում կիրականացվի մեծ չափի ասֆալտապատման աշխատանքներ:
Կարևորը առողջ եղեք և ապրեք խաղաղ երկնքի տակ...

Մյասնիկյանի համայնքապետարաը,ավագանու անդամները անհուն կսկիծով կիսում են զոհված հերոսներ՝ Կարեն Գասպարյանի, Ներսես Ներսիսյանի,Հայկ Կարապետյանի, Սամվել Ալավերդյանի, Նարեկ Գրիգորյանի, Ստյոպա Բարսումյանի,Մասիս Հարությունյանի և Ջոն Սահակյանի ընտանիքի անդամների վիշտը,ցանկանալով համբերություն և տոկունություն:
Անարգ թշնամու դեմ կենաց ու մահու կռվում նրանք դարձան հավերժի ճամփորդներ՝ միանալով անմահության ճանապարհը բռնած իրենց ընկերներին:Նրանք հայրենիքի փրկության զոհասեղանին դրեցին ամենաթանկը՝ իրենց կյանքը,թողնելով լուսավոր երազանքները:
Փառք ու խոնարհում Ձե՜զ Մյասնիկյանի նորօրյա հերոսներ,Ձե՜ր սխրանքն անմահ է,Ձե՜ր անունը մեր շուրթերին...

Տրվեց <<Մյասնիկյանի մանկապարտեզ>>ՀՈԱԿ-ի վերանորոգման անշատանքների մեկնարկը:Համաձայն աշխատանքային նախագծի իրականացվելու է հետևյալ աշխատանքները.

• Խոհանոցային հատվածի վերանորոգում
• Ա-մասնաշենքի 1-ին հարկի խմբասենյակների վերանորոգում
• Էլեկտրամատակարարման աշխատանքների իրականացում
• Խմբասենյակներում սանհանգույցների իրականացում
• Նոր մետաղապլաստե դռների և պատուհանների տեղադրում
• Արտաքին հարդարման աշխատանքների իրականացում
• Արտաքին գրագծի և կոյուղագծի իրականացում
  Ծրագիրը իրականացվելու է մրցույթում հաղթող ճանաչված <<ՇԻՆ-ԿՈՄՖՈՐՏ>>-ի կողմից՝90 օրյա ժամկետում,որի համար համայնքի միջոցներից կտրամադրվաի 18449.0հազար ՀՀ դրամ:

Հայաստանի Հանրապետության կառավարության միջգերատեսչական հանձնաժողովի կողմից վերջերս հավանության արժանացավ Մյասնիկյան համայնքապետարանի կողմից ներկայացված <<Մյասնիկյան համայնքի Մյասնիկյան փողոցի ասֆալտբետոնե ծածկույթի հիմնանորոգում>> ծրագրի սուբվենցիոն հայտը:
Ծրագրի ընդհանուր բյուջեն կազմում է 17մլն 359հազ.240դրամ,որից ՀՀ պետական բյուջեից տրամադրվող սուբվենցիայի չափաբաժինը կազմում է 7մլն 811հազ.790դրամ (45%) ,իսկ 9մլն 547հազ.450դրամը (55%)համայնքի բյուջեի միջոցների հաշվին:

Շուտով  կտրվի ծրագրի մեկնարկը և որպես ճանապարաշինությունը համայնքի կարևորագույն հիմնախնդիր այդ աշխատանքները շարունակական կլինեն...